દક્ષિણ ભારતના રાજ્યોમાં રવિવાર સુધી ભારે વરસાદની ચેતવણી

હવામાન વિભાગે દક્ષિણ ભારતના રાજ્યો માટે રવિવાર સુધી ભારે વરસાદનું અનુમાન વ્યક્ત કર્યું છે. આ અનુમાન મુજબ, આંધ્ર પ્રદેશ, કેરળ, માહે, પુડુચેરી, કરાઈક્કાલ અને તમિલનાડુમાં ભારે વરસાદ પડવાની સંભાવના છે. આ ઉપરાંત, આંદામાન અને નિકોબાર દ્વીપ સમૂહના કેટલાક સ્થળોએ આજે ગાજવીજ સાથે હળવા છાંટા પડવાની પણ શક્યતા છે.

મધ્ય ભારતમાં શીત લહેર

દિલ્હીમાં હવા ગુણવત્તા ‘ખૂબ જ ખરાબ’ અને દક્ષિણ ભારતમાં વરસાદનું જોખમ છે, ત્યાં મધ્ય ભારતના રાજ્યોમાં ઠંડીનું મોજું છવાઈ શકે છે. હવામાન વિભાગે છત્તીસગઢ, પૂર્વ રાજસ્થાન, મધ્ય મહારાષ્ટ્ર, મધ્ય પ્રદેશ અને તેલંગાણામાં શીત લહેરની આગાહી કરી છે. બીજી તરફ, રાષ્ટ્રીય રાજધાની દિલ્હી અને તેની આસપાસના વિસ્તારોમાં હવાની ગુણવત્તા ‘ખૂબ જ ખરાબ’ શ્રેણીમાં સતત બની રહી છે. આજે બપોરે ૧ વાગ્યે શહેરનો એર ક્વોલિટી ઇન્ડેક્સ (AQI) ૩૬૭ નોંધાયો હતો. વધતા પ્રદૂષણને જોતા દિલ્હી અને આસપાસના વિસ્તારોમાં ગ્રેપ-થ્રી (GRAP-III) લાગુ કરવામાં આવ્યું છે.