કતારના દોહામાં રમાયેલી T20 ક્રિકેટ મેચમાં બાંગ્લાદેશ A ટીમે ભારત A ટીમને સુપર ઓવરમાં પરાજય આપીને વર્ષ 2025ના એશિયા કપ રાઇઝિંગ સ્ટાર્સની ફાઇનલમાં પ્રવેશ કર્યો છે. આ મેચ અત્યંત રોમાંચક રહી હતી. ભારત A ટીમે ટૉસ જીતીને પહેલા ફીલ્ડિંગ કરવાનો નિર્ણય લીધો હતો. બાંગ્લાદેશ A ટીમે નિર્ધારિત 20 ઓવરમાં 6 વિકેટે 194 રન બનાવ્યા હતા.

195 રનના લક્ષ્યાંકનો પીછો કરતા ભારત A ટીમ પણ 20 ઓવરના અંતે 6 વિકેટે 194 રન જ બનાવી શકી હતી, જેના કારણે મેચ ટાઇ થઈ અને નિર્ણય સુપર ઓવર દ્વારા કરવામાં આવ્યો હતો. સુપર ઓવરમાં બાંગ્લાદેશ A એ ભારત A ને પરાજય આપીને ફાઇનલમાં પોતાની જગ્યા બનાવી લીધી, જ્યારે ભારત A ટીમને હારનો સામનો કરવો પડ્યો. આ હાર સાથે ભારત Aનું ટૂર્નામેન્ટમાં સફર સમાપ્ત થયું.