રાષ્ટ્રપતિ દ્રૌપદી મુર્મુએ આજે નવી દિલ્હીમાં ‘વીર બાળ દિવસ’ ના પવિત્ર અવસરે દેશના પ્રતિભાશાળી બાળકોને પ્રધાનમંત્રી રાષ્ટ્રીય બાળ પુરસ્કાર એનાયત કર્યા હતા. આ વર્ષે દેશના 18 રાજ્યો અને કેન્દ્રશાસિત પ્રદેશોમાંથી કુલ 20 બાળકોની તેમની અસાધારણ સિદ્ધિઓ બદલ પસંદગી કરવામાં આવી છે.

વિવિધ ક્ષેત્રોમાં અસાધારણ પ્રદાન

રાષ્ટ્રપતિએ પુરસ્કાર વિજેતા બાળકોની પ્રશંસા કરતા જણાવ્યું કે, આ નાની વયના વિજેતાઓએ અનેક ક્ષેત્રોમાં દેશનું નામ રોશન કર્યું છે, જેમાં મુખ્યત્વે બહાદુરી અને સાહસ, કલા અને સંસ્કૃતિ, નવીનતા (Innovation) અને વિજ્ઞાન-ટેકનોલોજી, પર્યાવરણ સુરક્ષા. રાષ્ટ્રપતિએ ઉમેર્યું કે આ બાળકોની મહેનત અને પ્રતિભા આવનારી પેઢી માટે પ્રેરણાસ્ત્રોત બની રહેશે.