ભારતના ચૂંટણી પંચ દ્વારા હાથ ધરવામાં આવેલા ખાસ સઘન સુધારા કાર્યક્રમ બાદ, આજે કેરળ, મધ્યપ્રદેશ, છત્તીસગઢ અને આંદામાન-નિકોબાર ટાપુઓ માટે ડ્રાફ્ટ મતદાર યાદી પ્રકાશિત કરવામાં આવશે. આ પ્રક્રિયા લોકશાહીને વધુ મજબૂત અને ક્ષતિરહિત બનાવવાના હેતુથી કરવામાં આવી છે. મુખ્ય ચૂંટણી અધિકારીઓ અને જિલ્લા ચૂંટણી અધિકારીઓ દ્વારા આ યાદીઓની નકલો તમામ માન્ય રાજકીય પક્ષોને પૂરી પાડવામાં આવશે. સામાન્ય નાગરિકો માટે આ યાદીઓ CEO અને DEOની સત્તાવાર વેબસાઇટ્સ પર ઓનલાઇન પણ ઉપલબ્ધ રહેશે.