પ્રધાનમંત્રી નરેન્દ્ર મોદીએ પાંચ રાજ્યોના સ્થાપના દિવસે ખાસ સંદેશ આપીને લોકોને હાર્દિક શુભેચ્છા પાઠવી. છત્તીસગઢ, હરિયાણા, કર્ણાટક, કેરળ અને મધ્યપ્રદેશના નાગરિકોને તેમણે સોશિયલ મીડિયા પર હાર્દિક શુભેચ્છા પાઠવી.

છત્તીસગઢ વિશે વાત કરતાં પીએમ મોદીએ કહ્યું કે આ રાજ્ય વિકાસના નવા રેકોર્ડ બનાવી રહ્યું છે અને ઝડપી પ્રગતિનું જીવંત ઉદાહરણ બની રહ્યું છે. હરિયાણા માટે તેમણે ગૌરવ વ્યક્ત કર્યું કે અહીંના અન્નદાતા ખેડૂતોની અથાક મહેનત, વીર સૈનિકોની અજોડ બહાદુરી અને યુવાનોની અસીમ ઊર્જા દેશને દિશા આપી રહી છે. આ ભૂમિ સમગ્ર ભારત માટે પ્રેરણારૂપ છે. કર્ણાટકને તેમણે જ્ઞાન અને નવીનતાનું કેન્દ્ર ગણાવ્યું, જ્યાં વિજ્ઞાન, ટેક્નોલોજી અને શિક્ષણની ચમક વિશ્વને દીપાવે છે. કેરળની વાત કરતાં પીએમે તેની અદ્ભુત કુદરતી સુંદરતા, સમૃદ્ધ સંસ્કૃતિ અને પ્રાચીન વૈભવની વાહવાહ કરી. મધ્યપ્રદેશના લોકોને સંબોધતાં તેમણે કહ્યું કે અહીંના પ્રતિભાશાળી અને પરિશ્રમી નાગરિકો વિકસિત ભારતના સ્વપ્નને સાકાર કરવામાં મહત્વપૂર્ણ યોગદાન આપશે.