બિહાર વિધાનસભા ચૂંટણીના બીજા અને અંતિમ તબક્કા માટેનો ચૂંટણી પ્રચાર આજે સાંજે પૂરો થશે, જેમાં તમામ પક્ષોના દિગ્ગજ નેતાઓ મેદાનમાં ઉતર્યા છે. બિહાર વિધાનસભા ચૂંટણીના બીજા અને અંતિમ તબક્કા માટેનો ચૂંટણી પ્રચાર આજે સાંજે પરાકાષ્ઠાએ પહોંચીને સમાપ્ત થશે. આ તબક્કામાં, 11 નવેમ્બરના રોજ 20 જિલ્લાઓમાં ફેલાયેલા 122 વિધાનસભા મતવિસ્તારોમાં મતદાન યોજાશે. કેન્દ્રીય ગૃહમંત્રી અમિત શાહ સાસારામ અને અરવલમાં, સંરક્ષણ મંત્રી રાજનાથ સિંહ ઔરંગાબાદ અને કૈમુરમાં રેલીઓને સંબોધશે. મુખ્યમંત્રી નીતિશ કુમાર ઔરંગાબાદ, ગયા અને કૈમુરમાં સભાઓ કરશે, જ્યારે યુપીના સીએમ યોગી આદિત્યનાથ અરરિયા, સુપૌલ અને મધુબનીમાં જાહેર સભાઓમાં ભાગ લેશે. કોંગ્રેસના વરિષ્ઠ નેતા રાહુલ ગાંધી પૂર્ણિયા અને કિશનગંજમાં સભાઓને સંબોધશે, જ્યારે RJD નેતા તેજસ્વી યાદવ ભભુઆ, રોહતાસ અને ઔરંગાબાદમાં 11 જાહેર સભાઓ કરશે. અંતિમ તબક્કામાં 3.7 કરોડથી વધુ મતદારો 136 મહિલાઓ સહિત એક હજાર 302 ઉમેદવારોનું ભાવિ નક્કી કરશે.