EVM કડક સુરક્ષા હેઠળ, 38 જિલ્લાઓમાં તૈયારીઓ પૂર્ણ

બિહાર વિધાનસભા ચૂંટણીના પરિણામોનો આતુરતાથી રાહ જોવાઈ રહ્યો છે, અને આવતીકાલે તેના માટેની મતગણતરીની તમામ તૈયારીઓ પૂર્ણ કરી લેવામાં આવી છે. રાજ્યના 38 જિલ્લાઓમાં કુલ 46 મતગણતરી કેન્દ્રો પર આ પ્રક્રિયા હાથ ધરવામાં આવશે.

સવારે 8 વાગ્યે શરૂ થશે ગણતરી

ચૂંટણી અધિકારીઓના જણાવ્યા અનુસાર, મતગણતરીની શરૂઆત આવતીકાલે સવારે 8 વાગ્યે થશે. તમામ ઈલેક્ટ્રોનિક વોટિંગ મશીનો (EVM), જેમાં ઉમેદવારોનું ચૂંટણી નસીબ સીલ થયેલું છે, તેને કડક સુરક્ષા વ્યવસ્થા હેઠળના સ્ટ્રોંગ રૂમમાં રાખવામાં આવ્યા છે. મતગણતરી કેન્દ્રો પર સુરક્ષાના ચુસ્ત બંદોબસ્ત ગોઠવવામાં આવ્યા છે, જેથી ગણતરીની પ્રક્રિયા શાંતિપૂર્ણ અને પારદર્શક વાતાવરણમાં થઈ શકે. આ ગણતરી દ્વારા નક્કી થશે કે રાજ્યમાં આગામી સરકારનું ગઠન કયો પક્ષ કે ગઠબંધન કરશે.