સાઉથ આફ્રિકા બીજા દાવમાં ૯૩/૭, ભારત સામે ૬૩ રનની લીડ
કોલકાતાના ઈડન ગાર્ડન્સ ખાતે ભારત અને સાઉથ આફ્રિકા વચ્ચે રમાઈ રહેલી પ્રથમ ટેસ્ટ મેચના બીજા દિવસના અંતે ભારતીય ટીમ મજબૂત સ્થિતિમાં છે. સ્ટમ્પ્સ સમયે સાઉથ આફ્રિકાએ પોતાના બીજા દાવમાં ૭ વિકેટ ગુમાવીને ૯૩ રન બનાવ્યા હતા અને ભારત પર માત્ર ૬૩ રનની લીડ મેળવી છે. ટેમ્બા બાવુમા (૨૯) અને કોર્બિન બોશ (૧) ક્રિઝ પર હતા.
ભારતીય બોલરોનો દબદબો
આજે સવારે ભારતીય ટીમ પોતાના પ્રથમ દાવમાં ૧૮૯ રન બનાવી ઓલઆઉટ થઈ ગઈ હતી. કેએલ રાહુલે સૌથી વધુ ૩૯ રન બનાવ્યા હતા, જ્યારે વોશિંગ્ટન સુંદરે ૨૯ રનનું યોગદાન આપ્યું હતું. ગઇકાલે પ્રથમ દાવમાં સાઉથ આફ્રિકા ૧૫૯ રનમાં ઓલઆઉટ થયું હતું, જેમાં જસપ્રીત બુમરાહે પાંચ વિકેટ ઝડપી હતી, જ્યારે મોહમ્મદ સિરાજ અને કુલદીપ યાદવને બે-બે વિકેટ મળી હતી. ત્રીજા દિવસે ભારત મેચ પર સંપૂર્ણ નિયંત્રણ મેળવવાનો પ્રયાસ કરશે.